Тајсон отвора училиште за одгледување канабис

од Vladimir Zorba

Боксерската легенда Мајк Тајсон заработува околу 500.000 фунти месечно од неговиот бизнис со канабис и гради луксузно одморалиште на површина од 418 акри, или околу 1.700 хектари, пренесува британскиот таблоид „Сaн“.

53-годишниот поранешен шампион во тешка категорија го продава брендот канабис Tyson Holistic од 2016 година. Легендата нуди видови од сорти од прва класа, храна и екстракти од марихуана.

На почетокот на минатата година, Тајсон купи ранч од 40 хектари, каде што одгледува марихуана и проучува за ефектите од употребата на наркотиците. Компанијата што ја основал тврди дека целта е да се создаде подобрен канабис за потрошувачите. Тој самиот шокираше со признанието дека тој и неговите пријатели пушат 10 килограми трева месечно по цена од 40.000 долари.

Сега амбициите на поранешниот боксер се да изградат огромно одморалиште за да биде дом на голем музички фестивал. Покрај луксузниот хотел, ќе има и кампување со шатори. Ќе има и училиште за одгледување „Тајсон“ во одморалиштето, кое ќе обезбеди вредни совети за растење канабис за земјоделците кои сакаат да го сторат тоа. Тие ќе бидат запознаени со најновите методи за производство на канабис.

Друга цел на Тајсон е да се вклучи во дебатата за лековитите својства на канабисот и нејзината состојка на ЦБД. Неговата компанија произведува „CopperGel“ производ со ЦБД, за што клинички е докажано дека обезбедува ослободување од болки во зглобовите и артритис.

Гостите ќе можат да пушат марихуана каде било во одморалиштето, освен на местата каде се продава алкохол. Клиентите можат да изберат да останат во луксузен хотел или да одат во шаторски камп. Одморалиштето на Тајсон, исто така, ќе се пофали со најдолгата мирна река во светот каде што гостите можат да пловат на сплав.

Слични содржини