Од почетокот на пандемијата, белградскиот таксист Бранко Антиќ и група колеги ги превезуваат здравствените работници бесплатно. Тоа му донесе три признанија, но и голема медицинска поддршка кога дозна дека е тешко болен.
Бранко Антиќ за време на вонредната состојба превезе околу 50.000 здравствени работници од 50 институции. Тој направи околу 17.000 возења, а неговиот таксиметар и денес не чука за медицинските лица.
Бранко Антиќ за РТС вели дека решил да им помогне на медицинските работници, гледајќи како несебично се борат во зоните на црвениот ковид за да ги спасат животите на болните.
– Јавниот превоз не работеше за време на полициски час, а за да можат здравствените работници на првата линија да се вратат дома, а потоа одморени да се вратат на работа, дојдов на идеја заедно со проф. д-р Даница Грујчиќ да ги возиме бесплатно, вели Бранко.
Вели дека акцијата немаше да успее да не му се придружeле околу 150 колеги.
Зборувајќи за најтешкиот период на пандемијата во вонредната состојба, Антиќ вели дека при возењето обично немало вообичаено муабет, бидејќи лекарите биле исцрпени.
Тој наведува дека пред два и пол месеци му бил дијагностициран рак на левиот бубрег, кој хируршки бил отстранет. Вели дека полека се опоравува и се враќа во нормален живот.
– Посебно сум им благодарен на вработените во Заводот за онкологија, Клиниката за урологија КЦС, болницата „Драгиша Мишовиќ“. Доброто се враќа со добро, додава Антиќ.
Антиќ освои и три награди – сребрен медал за заслуги што го доби од претседателот Александар Вучиќ, плакета од Министерството за труд, вработување и социјала и наградата на Град Белград за херојско дело „Деспот Стефан Лазаревиќ“.
Тој вели дека овие награди нему му значат исто како и на неговите колеги кои и понатаму ќе им бидат достапни на своите сограѓани.