Талибанците во Авганистан им забранија на жените да одат во теретана

Талибанските власти во Авганистан им забранија на жените да ги користат услугите на спортски сали, изјави денеска портпаролот на авганистанското министерство за морал и борба против пороците.

Тој рече дека забраната е воведена затоа што не се почитува правилото за полова сегрегација и затоа што жените не го почитуваат носењето хиџаб.

Портпаролот на авганистанското министерство за морал и борба против пороците изјави дека на жените им е исто така забранет престој во паркови, пренесе АП.