Во рамки на своето гостување во „Утрински брифинг“, градоначалникот на Гостивар, Арбен Таравари се осврна пред се на бројот на заразените лица од Ковид 19, но и на актуелната состојба на политичката сцена.
„Не е само БЕСА онаа која избега од мнозинството и другите помали партии бегаат од таму како да ќе се случи нешто. И во ДУИ има незадоволство од раководството и сметам дека не е случајно што веќе три недели нема кворум во Собранието. Дефинитивно сепак, не очекува интересна политичка пролет. Факт е дека никогаш немало стабилно мнозинство, но и вака нестабилно. Сепак, постојат наводи кои покажуваат дека оваа Влада е дисфункционална. ВМРО ДПМНЕ има канали на комуникација со нас, но имам впечаток дека интензивна комуникација имаат и со ДУИ. Дали ќе направат ново мнозинство не знам, но јавна тајна е дека комуницираат меѓу себе. БЕСА нема да биде никогаш заедно во Влада со ДУИ, и еднаш „згрешивме“ во 2017. година кога бевме заедно“, истакна Таравари.