Актуелно
Почетна / Слајдер / Таткото и синот од струмичко кои беа убиени ќе бидат погребани во Швајцарија

Таткото и синот од струмичко кои беа убиени ќе бидат погребани во Швајцарија

Во Лозана, Швајцарија денеска ќе бидат погребани таткото Наум Колев (47) и синот Андон (23) од селото Мокриево, струмичко, кои беа убиени на 26 минатиот месец во местото Соренс, во кантонот Фрибург, а нивните тела беа пронајдени наредниот ден на фарма за коњи покриени со арско ѓубре, соопштија од Македонската православна црковна општина „Собор на сите македонски светители”.

Според информации од Швајцарија, тие ќе бидат погребани таму поради пандемијата од коронавирус и неможноста да бидат донесени дома.

Семејството Колеви петнаесетина години живеело во Швајцарија и важело за мирно и работливо. Според струмичани што живеат таму, таткото и синот заминале кобната вечер од својот дом за да си ги повлечат дадените пари за купување на земјоделска механизација.

loading...