Тенисер доби доживотна суспензија поради местење мечеви

Алжирскиот тенисер Ајмен Иклеф е суспендиран доживотно поради местење натпревари.

Единицата за интегритет во тенисот соопштила дека 23-годишниот Иклеф извршил 10 прекршувања на програмата за тенис против корупција, вклучително и четири случаи за местење натпревари.

Тој бил казнет и со 100.000 американски долари.

Во два наврати, Иклеф не известил дека бил контактиран во врска со корупција, во два наврати тој побарал од другите играчи „да не даваат сè од себе“ и не соработувал во истрагата.

Неговиот најдобар сингл-пласман на АТП-листата е 1.739. место