Терористот кој обезглави наставник по француски јазик во близина на Париз, доби херојски погреб во родната Чеченија.
На видеото се гледа како тагувачите скандираат „Алах Акбар“, што значи „Бог е голем“, на церемонијата на Абдулах Анзоров (18), додека одеа покрај неговиот ковчег.
Телото на терористот, кој го обезглави наставникот Самуел Пати, беше вратен од Франција во неговото родно село Чалази во саботата.
Француската полиција го уби Анзор неколку минути откако го обезглави Пати на 16 октомври.
Приближно 200 луѓе присуствуваа на погребот во снежни услови, а тамошните медиуми објавуваат дека Анзоров бил погребан „со почести“.
Неговото тело било пренесено низ селото од страна на ожалостените во областа Урус-Мартановски.
Еден од нив носеше порака со која го фалеше како „Лавот на исламот“.
Пораката со видеото гласеше: „Лавот на исламот пристигна во својата родна земја денес и се врати во земја“.