Tesla направи мали корекции на цените за Model Y, Model S и Model X во САД.
Ажурирањата на веб-страницата на Tesla откриваат дека сите варијанти на Model Y добиле поскапување од 250 долари, при што почетниот модел започнува од 47.490 долари, моделот Y Long Range почнува од 50.490 долари и Model Y Performance почнува од 54.490 долари.
Tesla Model S сега започнува од 88.490 долари, додека Model S Plaid може да се купи за 108.490 долари. Овие бројки претставуваат скок од 1.000 долари.
Конечно, Model X со погон на сите тркала е поскап за 1.000 долари (до 98.490 долари), а Model X Plaid сега чини 1.000 долари повеќе од порано, почнувајќи од 108.490 долари како Model S Plaid.
Ројтерс забележува дека промените претставуваат второ поскапување за Model Y, Model S и Model X од последното намалување на цените на 19 април во САД. Цените на Model 3 инаку остануваат стабилни.
Цените на Tesla се уште се многу пониски сега отколку што беа на почетокот на годината. Всушност, почетните цени за Model S и Model X сè уште се намалени за 16% и 19%, соодветно, додека Model Y сè уште е за 23% поевтин отколку што беше порано.