Тихановскаја од Брисел: Белорусија е во длабока политичка криза по украдените претседателски избори

По разговорите со претседателот на Европскиот парламент Давид Сасоли во Брисел, опозицискиот ривал на претседателот на Белорусија, Светлана Тихановскаја, ги повика Европската унија и меѓународната заедница да му помогнат на белорускиот народ да се избори за „слобода и нова иднина“.

„Се обидовме да се бориме сами, но гледаме дека господинот Лукашенко не сака дијалог. Во овој момент, секоја помош од земјите на ЕУ и другите либерални земји е многу важна“, рече Тихановскаја.

Таа оцени дека Белорусија е во „длабока политичка криза“ по „украдените претседателски избори“.