Дека социјалните мрежи не се само „токсично“ место докажува 89-годишниот човек кој доставува пица чиј живот се сменил во моментот кога на неговата домашна адреса пристигнало изненадување од редовните клиенти – чек од 12.000 долари.
Дерлин Њуи не можеше да поверува кога семејството Валдез тропна на вратата од неговата куќа во Јута.
„Како можам да ви се заблагодарам? Не знам што да кажам “, рече Њуи додека ги задржуваше солзите од радост.
Њуи доставува пици за пицеријата „Папа Џон“ околу 30 часа неделно. Иако наскоро ќе наполни 90 години, тој мораше да се вработи кога сфати дека не може да живее само од социјална помош.
Покрај тоа што е човек за испорака, Њуи е и ѕвезда во подем на „ТикТок“ благодарение на лојалните клиенти, како што е семејството Валдез, кои воодушевени од неговата добрина и љубезност, објавуваат снимки од неговите испораки на оваа социјална мрежа.
Семејството Валдез вели дека кога нарачуваат пица, секогаш бараат Њуи да им биде човек за испорака.
Фановите честопати прашуваа зошто тој доставувал пица на негова возраст. Семејството се согласило дека не треба да работи толку многу и решиле да ја искористат својата платформа за да му помогнат на својот омилен човек за доставување пица.
Тие ги молеле своите фанови да дадат донација за да му помогнат на Њуи и за кратко време успеале да соберат 12.000 долари.
Кога му предале чек од „семејството ТикТок“, Њуи бил целосно изненаден. Тој дури и не знаеше што е „ТикТок“, но беше благодарен за неочекуваниот подарок.
„Не знам што да кажам освен благодарам“, рече Њуи.
89-year old Derlin Newey started delivering pizzas to make ends meet. He never thought one of his customers would change everything. Here’s our story for @KSL5TV on the delivery he never saw coming. #ksltv #goodnews
🎥 @JDortz_Photog pic.twitter.com/WEJdOKoVnN
— Alex Cabrero (@KSL_AlexCabrero) September 23, 2020