TikTok стана најсимнуваната апликација на глобално ниво

од Vladimir Zorba

Врз основа на глобална анализа, која ја направи Nikkei, TikTok официјално ги надмина Facebook, Instagram, WhatsApp и сите други апликации за пораки и стана најсимнувана апликација од доменот на социјалните мрежи во светот.

До оваа година, Facebook ја имаше оваа титула, па дури и успеа да постигне раст со текот на годините. TikTok се покажа како скриен фаворит, кој забележа раст со исклучителна брзина и стана омилена мрежа за корисниците на генерацијата Z.

TikTok популаризира нов тренд за видео формати, и оваа тактика беше усвоена со текот на годините од други апликации од сегментот на социјалните медиуми. Можностите што ги нуди платформата TikTok се неограничени, а на платформата се придружија бројни бизниси, компании за промоција на нивните производи или услуги, како и да им понудат забава на корисниците.

Други платформи, на кои популарноста на форматот беше популаризирана од TikTok, исто така, создадоа свои услуги што го имитираат овој стил. Па така, имаме Instagram Reels и YouTube Short, кои покрај главната платформа нудат дополнителни услуги со кратки видео клипови.

Според извештајот на NikkeiAsia, пандемијата Ковид-19 служеше како значаен поттик за популарноста на TikTok, бидејќи голем број луѓе останаа заглавени во своите домови со ограничени опции за забава. Исто така, многу познати уметници се свртеа кон оваа платформа откако ги откажаа своите настапи и турнеи.

Слични содржини