Шведскиот јутјубер Феликс Шелберг, попознат на Интернет како PewDiePie, е избран за најзгоден маж на планетата. Тој надмина многу познати личности на ранг-листата на независни критичари.
На второто место на годишната листа на здружението TC Candler беше член на јужнокорејската поп-група БТС Ким Тахен, а на третото место беше австралискиот актер Крис Хемсворт. Покрај тоа, четвртото место го зазеде уште еден член на групата БТС, Чон Јонгук, додека британскиот актер Хенри Кавил е на петтото место.
Откако беше прогласен за најзгоден маж во 2020 година, Феликс стана главна тема на социјалните мрежи од две многу различни причини. Некои долгогодишни обожаватели на јутуберот беа воодушевени кога го видоа на врвот на оваа година. Другите, сепак, беа изненадени од изборот и сметаа дека Швеѓанецот не го заслужува првото место.
Се разбира, не сите се согласија дека Шелберг е најзгодниот маж оваа година. На социјалните мрежи се водеше жестока дебата на оваа тема и додека некои го бранеа јутјуберот, други наведоа познати личности кои ги сметаат за позгодни од Феликс.