„Тојота“ инвестира солидно во проект за летачко такси

од Vladimir Zorba

Летачките такси сè уште изгледаат како атракција излезена од СФ филм, но инвестициите во оваа област рапидно се зголемуваат и таквите превозни средства наскоро ќе станат реалност.

Јапонската компанија „Тојота“ реши да инвестира 349 милиони американски долари во стартапот „Joby Aviation“, познат по проектот за електрични авиони. Досега, младата компанија собра 590 милиони американски долари финансирање.

„Joby Aviation“ моментално работи на создавање електричен авион способен да лета со 320 км на час, патувајќи 240 км со едно полнење. Според компанијата, летачките такси-возила ќе бидат 100 пати потивки од конвенционалните авиони за време на полетување и слетување и скоро без бучава при летање.

Според официјалното соопштение, во рамките на партнерството „Тојота“ ќе се занимава и со производство на авионите, а ќе му помогне на „Joby“ во контролата на квалитетот.

Слични содржини