Тотенхем го победи Челси на пенали во луд меч од осминафиналето на англискиот Лига куп. По 90 минути беше 1:1.
За Челси, Тимо Вернер погоди во 19-тата, Ерик Ламела израмни во 84-тата минута, но ѕвезда на вечерта беше Жозе Мурињо.
Во 27-та минута од натпреварот, тренерот на Спарс имаше силна расправија со Френк Лампард, неговиот поранешен играч, а денес и тренер на Челси. Мурињо беше вознемирен од однесувањето на Лампард, па му рече да седне и да замолчи.
Old friends Jose Mourinho and Frank Lampard exchanged words on the touchline during the first half at the Tottenham Hotspur Stadium.pic.twitter.com/dNJXJ5lLD0
— Sky Sports (@SkySports) September 29, 2020
Натпреварот не беше премногу интересен, но Мурињо повторно направи циркус во 77-та минута. Среде напад на Челси, Ерик Диер истрча кон соблекувалната, веројатно затоа што мораше да оди во тоалет.
Но, лутиот Мурињо го следеше во тунелот и го врати на теренот.
Where did Jose Mourinho go? 😆
— 433 (@433) September 29, 2020
Како што натпреварот се приближуваше кон крајот, Тотенхем стискаше и дојде до израмнување со голот на Ламела. Спарс беа непогрешливи од белата точка, а во четвртфиналето ги испрати Мејсон Маунт, кој ја погоди стативата во последната серија удари од белата точка.