Постоечкиот закон треба да се промени бидејќи фаворизира четири партии. Скоро никаде во светот нема само четири партии директно да имаат можност за медиумска презентација и таа да биде осум минути, а само една минута да биде одвоена за сите други помали партии и независни листи, вели лидерот на Демократски сојуз (ДС) и пратеник, Павле Трајанов во дебатната емисија организарана од Тв Телма, на која граѓаните можат да поставуваат прашања за идејата за една изборна единица.
Трајанов обелодени дека ставот на ДС е да се намали бројот на пратеници од 120 на 90, но и да се намали бројот на министерства и да имаме околу 12 министерства.
-Ние имаме дуплирање на исти институции, кои треба да ја вршат истата функција. Системот со шест изборни единици ги фаворизира од 2002 година само поголемите партии, додаде Трајанов.