По донесувањето на одлуката на Кривичниот суд за мерка куќен притвор на екс ген-секот на Владата, Драги Рашковски, обвинителката која го застапува предметот, Ивана Трајчева изјави дека ќе поднесе жалба на одлуката на Кривичниот суд да му биде одреден куќен притвор, а не ефективен притвор, како што бараше Обвинителството.
Според Трајчева, Обвинителството поднело доволно докази за Судот да одреди притвор за Рашковски.
-Обвинителството приложи доволно докази за да ги докаже околностите поради кои бара да биде одреден притвор. Со мерката куќен притвор сметаме дека и понатаму ќе постои опасност од влијание на сведоците и останатите материјални докази кои треба да бидат прибавувани, изјави Трајчева.
Обвинителството отвори истрага и бараше притвор за Рашковски за набавката на софтверот додека бил генерален секретар на Владата.