Семејната хотелска компанија на поранешниот претседател Доналд Трамп постигна договор за продажба на правата на својот хотел во Вашингтон за 375 милиони долари, објавува Волстрит.
Инвестициската компанија (CGI Merchant Group) со седиште во Мајами е во договор за стекнување на лизингот, пишува весникот. Меѓународниот хотел Трамп е во историска зграда на неколку блока од Белата куќа што Организацијата Трамп ја изнајмува од владата на САД. Хотелот е популарно место за собирање на поддржувачите на Трамп и на странските државници.
Според Комитетот контролиран од демократите, Трамп пријавил дека хотелот заработил повеќе од 150 милиони долари за време на неговиот мандат, но изгубил повеќе од 70 милиони долари. Комитетот откри дека хотелот добил повеќе од 3,7 милиони долари исплати од странски влади – што е еднакво на повеќе од 7.400 ноќевања во хотелот, кое предизвикува потенцијален конфликт на интереси. Хотелот е втората највисока градба во градот, по споменикот Вашингтон. Во зградата претходно било сместено седиштето на Одделот за пошта на САД.