253
Американскиот претседател Доналд Трамп изјави денеска дека севернокорејскиот лидер Ким Џонг Ун ризикува да изгуби се ако продолжат непријателствата, откако Северна Кореја соопшти за „успешно извршен голем тест“.
„Ким Џонг Ун е премногу паметен и има премногу да изгуби, всушност се ако тој се однесува непријателски. Тој потпиша цврст договор за денуклеаризација со мене во Сингапур“, напиша Трамп на Твитер, осврнувајќи се на неговиот прв самит со Ким во Сингапур во 2018 година.
Северна Кореја претходно во текот на денот соопшти дека извршила „многу важен тест“ на локација за лансирање ракети со голем дострел, која според американски официјални лица, Пјонгјанг ветил дека ќе ја затвори.