Претседателот на САД, Доналд Трамп ноќеска претстави нов брз тест пред новинарите, кој би требало да може да потврди позитивен резултат на коронавирус за само пет минути, а неколку минути повеќе му треба за негативен, јави американската телевизија Фокс Њуз.
Постарите тестови, развиени во лабораториите, можат да дадат резултати за четири до осум часа.
Говорејќи во Белата куќа за време на прес-конференцијата, претседателот отвори кутија од компанијата „Абот“ и им го покажа на новинарите новиот брз тест.
„Касетата за тестирање“ на Абот се вклопува во преносливиот уред „ID NOW“, кој се користи во болниците, клиниките и лекарските ординации. КОмпанијата Абот соопшти дека ќе го даде новиот тест на избраните медицински установи за итни случаи во следната недела.
Неколку дена пред Трамп да го објави новиот комплет за брз тест на Абот, таа компанијата соопшти дека Управата за храна и лекови им дала итно одобрение за производство на тест. Компанијата вели дека нејзиниот тест дава негативен резултат за 13 минути кога вирусот не е откриен.
САД со недели се обидуваат да го зголемат тестирањето за коронавирус по низата проблеми со оригиналниот тест дизајниран од државната служба. Додека САД по тестирање заостануваат во однос на другите земји, дневниот капацитет на тестирање се зголемува, бидејќи тестовите се развиени од повеќе производители на дијагностицирање и големи лаборатории.
Пред одобрението дадено на Абот, властите ги одобрија другите два брзи тестови во изминатата недела.
Трамп рече дека досега се направени над милион тестови во САД, што е „пресврт во нашата војна против коронавирусот“.
Сепак, соопшти агенцијата АП, не е јасно дали таа бројка го претставува бројот на тестирани пациенти или обработени примероци. Со повеќе од 330 милиони жители, еден милион тестирани пациенти би претставувало околу една третина од еден процент од вкупните американски граѓани.
Здравствените експерти велат дека од 100.000 до 150.000 луѓе дневно ќе треба да бидат тестирани во САД за да се следи и да се запре со неговото ширење, но лабораториите известуваат за тестирање на околу 80.000 до 90.000 пациенти на ден засега.
САД сега се светски лидерпо бројот на инфекции, со повеќе од 143.000 потврдени случаи регистрирани од Универзитетскиот центар за наука и инженерство на системи „Џон Хопкинс“ (CSSE). Околу половина од потврдените случаи, или повеќе од 73,000, се во Њујорк и Њу Џерси.
Трамп повтори дека треба да се практикува „социјално дистанцирање“ за да се спречи ширењето на заразата и истакна дека мерките на неговата администрација, кои ги продолжи до април, нема да се променат многу во суштина, иако „може да се затегне малку“, додавајќи дека останува ограничувањето за патување во странски земји.
Во неделата, Трамп ги продолжи упатствата за „социјално дистанцирање“ до 30 април, иако претходно предвидуваше дека нема да бидат потребни од 10 април.
„Економијата е број два, мојот фокус е спасување на животи“, рече претседателот.
Трамп вербално се судри со репортер на ТВ Си-Ен-Ен на прес-конференција, велејќи дека му поставил „гадно, подло прашање“ за неговото намалување на коронавирусот пред да пристигне пандемијата во САД. Претседателот рече дека „не сакал да предизвика паника“ и сега е „многу горд на активностите на работната група на Белата куќа за коронавирусот“.