Поранешниот американски претседател Доналд Трамп ја коментирал првата прес-конференција на сегашниот шеф на Белата куќа, Џо Бајден, за време на која повремено го губел умот, ги заборавална прашањата и правел паузи. Трамп тврди дека новинарите не му поставувале на Бајден тешки прашања и дека било многу тажно да се гледа конференцијата.
Според Трамп, тоа било далеку од она со што требал тој да се соочи додека беше на чело на САД и додека одржувал прес-конференции.
„Беше како меки топки, како фрлање меки топки – и тоа е нешто сосема друго. Тоа беа лесни прашања. Никој не видел такво нешто. Всушност, беше многу тажно да се гледа “, изјавил поранешниот американски претседател за „Фокс њуз“.
Трамп истакнал дека Бајден не дозволил новинар на Фокс Њуз да постави прашање за време на конференцијата.
„Забележав дека Питер Дуси не постави прашање. Не им беше дозволено да поставуваат тешки прашања и (вработените во Белата куќа) беа подготвени да го тргнат микрофонот доколку некој стане малку попровокативен“, рекол Трамп.
На конференцијата, Бајден се фокусирал на жешки теми, како што се пандемијата со Ковид 19, законот за оружје и американската миграциска криза. Во еден момент, Бајден забележливо мрморел нешто, замижувал и очигледно се обидуваше да ја склопи следната реченица.
Трамп неодамна изјави дека не е изненаден од тројниот пад на американскиот претседател Џо Бајден додека се искачуваше по скалите на претседателскиот авион и навести дека менталната состојба на Бајден е таква што тој дури и не знае какви листови хартија и договори потпишува.
Првата прес-конференција на Бајден не помина без гафови, а една од најимпресивните изјави е дека тој е во Сенатот 120 години.