Три активни пожари на територијата на државата

од Vladimir Zorba

Во моментов имаме три активни пожари на територијата на државата.

Пожарот кај селата Раовиќ – Буковиќ во Сарај, каде гори неколку дена, и истиот е префрлен и на дел од ловиштето Јасен.

Со намален интензитет е пожарот кај селото Дивље во Петровец – местото Крушје, а гори и кај селото Топлица, информираше помошник раководителка на секторот за операции и координација при ЦУК, Марија Милкова.

Како што посочи Милкова на денешната прес-конференција, согласно состојбата со пожарите до 11 часот, активен е пожарот кај селата Раовиќ – Буковиќ, и таму интервенира и хеликоптер на Армијата. Пожарот се држи под контрола, да не дојде до негово поголемо проширување.

Интервенираат и 20 припадници на Армијата, ШС Јасен со тројца вработени; НП Јасен со вработени; БППЗ со тројца пожарникари со едно ПП возило.

Интензитетот на пожарот кај селата Дивље и Крушје е со намален интензитет, а од одговорниот во ШС Караџица добиено е известување дека ќе продолжат со гаснење.

Интервенираат ШС Караџица со 12 вработени; БППЗ со три пожарникари и ПП возило.

Пожарот кај селото Топлица е активен кон селото Крстец и е со слаб интензитет.

Како што истакна Милкова, до овој момент екипата се справува со гасење во нискиот дел од селото Ракле над м.в.Габо село, каде гори лисната постилка. Во високиот дел има само чадење, без пламени јазици. До овој момент немаат потреба од дополнителна помош.

Таму интервенираат ШС Црн Бор Прилеп со шест вработени.

Пожарот во атарот на село Слатина во Македонски Брод е локализиран, но има чадење во внатрешноста каде има екипа од ШС М.Брод.

Интервенираат ШС Сандански – Македонски Брод со пет вработени.

Пожарот кај село Девич е локализиран, но има екипа од ШС Македонски Брод поради контрола на теренот.

Контрола на терен има од ШС Сандански – Македонски Брод

Пожарот кој започна кај м.в.Бeјаз Тепе во општина Пехчево, а потоа се префрли кај селото Будинарци во Берово е локализиран. Наведените екипи се на терен и вршат обиколка на веќе опожарената површина.

На терен се присутни од МВР со 49 припадници; ШС Равна Река Пехчево со осум вработени и со две теренски возила со цистерни.

ШС Малешево со осум вработени со две теренски возила со цистерни; ТППЕ Берово со ПП возило и тројца пожарникари, ДЗС – Екипа за брз одговор со седум луѓе и теренско возило, како и ПП екипи од Австрија и од Бугарија.

Слични содржини