Интересни резултати го одбележаа вчерашниот ден во најсилните европски лиги.
Еспањол успеа да го совлада Реал Мадрид (2: 1) на домашен терен во осмото коло од Примера дивизион, и по пет победи и две ремија, му го нанесе првиот пораз на кралскиот клуб. И покрај тоа, Мадрид останува на врвот на табелата поради подобра гол разлика од градскиот ривал Реал Сосиедад.
Првиот пораз сезонава го забележа Баерн Минхен, откако Ајнтрахт од Франкфурт го совлада актуелниот шампион (2:1). Баерн исто така остана лидер во своето првенство, поради подобра гол разлика во споредба со Баер Леверкузен.
По шест победи и едно реми, Ајакс исто така мораше да го „положи оружјето“ за прв пат во новата сезона. Тимот од Амстердам беше изненаден од Утрехт, кој славеше со 1: 0, но тимот останува на врвот во Едеревизи.
Кога ќе се повлече линија, фактот дека тројца европски великани претрпеа пораз во нивните шампионати во ист ден, за прв пат во историјата, изгледа нереално. Овие податоци ги објави компанијата „Gracenote Live“, која се занимава со статистика.
Треба да се земе предвид, и покрај фактот што се играат 34 или 38 кола во нивните првенства, овие тимови не играат често во истиот период, но од друга страна податоците се импресивни, со оглед на периодот од 119 години (Реал е најмладиот од овие клубови, основан во 1902 година – н.з.).
Инаку, овие три тима имаа натпревари шест пати на ист ден минатата сезона, а оваа година нивните состаноци се совпаднаа само по втор пат.