Светлана Цеца Ражнатовиќ за прв пат зборуваше за прославата што ја направи кога се роди нејзиниот внук Жељко, на која неколку гости, меѓу кои таа и нејзиниот син Вељко, се заразија со коронавирусот.
Пејачката смета дека по таа забава, таа била целосно незаслужено поставена на столбот на срамот, исто како Новак Ѓоковиќ, кој ја организирал хуманитарната тура „Адрија“, и на која неколку спортисти се заразиле со короната.
„Апсурдно е луѓето да се линчуваат бидејќи некој бил заразен со корона на нивната забава или турнир. Никој немаше лоша намера и на крај, сите дојдоа на свој ризик и за турнирот и за мојата прослава. Но, бидејќи сега е во ек короната, се поставија нештата како да сум го донела вирусот од Кина и на прославата! Страшно е, и страшно е што му прават сега на Новак! Човекот доби дозвола да организира турнир. Србија, Хрватска, Босна … Не е во моја моќ или на Новак да одлучаме што треба и што не, но има експерти кои донесуваат такви одлуки “, изјави пејачката за српскиот весник “Информер”.
Цеца вели дека не ја гризе совеста дека некои луѓе се заразиле од вирусот на нејзината прослава.
„Не се чувствував виновна во ниту еден момент. Додека мерките за забрана за собирање беа на сила, јас ги почитував. Истата вечер, кога мојата забава беше во Белград, беа отворени неколку ноќни клубови и сплавови. Така, се одржа полуфиналниот натпревар во Купот меѓу Црвена Звезда и Партизан. Значи, врз основа на проценката на експертите, државата дала дозвола дека можеме да функционираме нормално“, вели таа.
Денес, еден месец по прославата, пејачката верува дека најважно е што ниту еден од нејзините гости немал посериозна клиничка слика. Како една од заразените, ниту таа „не ја почувствувала короната“.
„Немав никакви тегоби. Се чувствував целосно здраво, но се тестирав превентивно, заради бебето. Едноставно, за мене беше важно што Жељко е здрав, не сакав да ризикувам. Зошто би заразиле бебе или снаа, која по породувањето има ослабен имунитет?” се присетува Цеца.