Во Бразил, според официјалните податоци, скоро 500.000 луѓе починале како резултат на Ковид -19, што е најмногу во светот по САД.
Во текот на изминатата недела, околу 2.000 смртни случаи од коронавирус се пријавуваат дневно во Бразил, каде што само 11 проценти од населението е целосно вакцинирано.
Бразилскиот сенат истражува како стапката на смртност се зголемила толку многу, фокусирајќи се на тоа зошто десничарската влада на претседателот Жаир Болсонаро ги игнорирала можностите за купување вакцини со месеци додека упорно се залагала за хидроксихлорокин. Сериозни студии покажаа дека овој лек против маларија не е ефикасен во лекувањето на коронавирусот.
Болсонаро, како и епидемиолозите се сомневаат во официјалниот број на смртни случаи. Претседателот тврди дека официјалните податоци од Министерството за здравство се зголемувани, додека некои епидемиолози сметаат дека бројот на жртви на вирусот е многу поголем, можеби дури и за стотици илјади.
Од избувнувањето на пандемијата, Болсонаро ја намалуваше опасноста од коронавирус, се спротивстави на затворањето на економијата, не носеше маска и минатата година беше позитивен на Ковид-19.
САД неодамна надминаа 600.000 потврдени смртни случаи.