Црна Гора одбила респираторни машини од Србија

од Nikola Popovski

Вицепремиерот на Црна Гора и претседател на Националното координативно тело за инфективни болести Милутин Симовиќ му се заблагодарил на српскиот претседател Александар Вучиќ за донирањето на пет респиратори и изјавил дека Црна Гора ќе се снајде и без Србија.

Претходно, Претседателот на Србија одговори на обвинувањата од Црна Гора дека Србија „украла“ респиратори од Црна Гора.

„За мене е многу важно да одговорам на обвинувањата што дојдоа од Црна Гора. Србија никогаш не украла или одзела ништо од никого. Ние ги купивме од пазарот најнормално,  но сме подготвени и разговаравме да им дадеме 3 респиратори бесплатно. Исто така, подготвени сме да им дадеме уште два респиратори на Плевља и Бјело Поле на барање на Андрија Мандиќ – рече Вучиќ во своето обраќање до нацијата и додаде:

„Ние со нашите братски луѓе во Црна Гора, и со Србите и Црногорците, сакаме да имаме најдобри можни односи и не сакам никакви владини функционери да не скараат на кој било начин со нас и да кажат дека Србија имала лош однос со Црна Гора. Ние испорачавме над 40 илјади тони храна во последните две недели“.

Во Црна Гора, 82 луѓе се заразени со коронавирус.

Слични содржини