Црна Гора воведе построги мерки: Забрана за излегување во работните денови од 19 до 5 часот

Националното координативно тело (НКТ) на Црна Гора вечерва донесе нови привремени мерки за заштита на црногорските граѓани од коронавирусот.

Мерките вклучуваат забрана за напуштање на домовите од 19 до 5 часот од понеделник до петок, како и од сабота од 13 часот до 5 часот наутро во понеделник, пренесува РТЦГ.

– Забраната важи за сите, освен за исклучоци опфатени со наредбата – тврдат од НКТ.

Покажано е дека Црна Гора се наоѓа во пресудни моменти на пандемијата, која во голема мерка ќе го дефинира нејзиниот тек.

– Искуството и професијата укажуваат на тоа дека ние мора да го подобриме почитувањето на мерките и одговорноста на сите, граѓаните и институциите – потенцира Националното координативно тело.