Црно Море – „езеро на НАТО“ или „руско море“?

од Nikola Popovski

Романскиот министер за надворешни работи Богдан Ауреску изјави дека Црното Море делумно се претвори во „езеро“ на НАТО. Тој посочува дека безбедноста во регионот на Црното Море е нераскинлив дел од безбедноста на НАТО.

„Црното Море делумно се претвори во „езеро“ на НАТО. Не можеме да се откажеме од нашето присуство во регионот како членка на Алијансата, мислам дека е важно да продолжиме со промовирање на нашите вредности во регионот“, рече Ауреску на новинарско прашање како НАТО може да спречи Црното Море да се претвори во „руско море“.

Според него, Романија е загрижена за „преместувањето на големи сили и демонстрација на сила во регионот“.

Русија, од своја страна, во последните години предупредува на активностите на НАТО на нејзините западни граници, кои се без преседан под изговор за задржување на Москва.

Русија во повеќе наврати изрази загриженост за натрупувањето на силите на НАТО во Европа.

Портпаролот на Кремљ, Дмитриј Песков претходно изјави дека Русија никогаш не била закана, но дека внимателно ги следи активностите што можат да бидат опасни за нејзините интереси.

Слични содржини