Актуелно
Почетна / TOP NEWS / „Цртаме акт“ – групна изложба на млади автори

„Цртаме акт“ – групна изложба на млади автори

„Цртаме акт“ е групна изложба на млади автори составена од цртежи, фотографии, видео презентација и перформативност што ќе биде отворена вечерва во Суб културниот центар „Шорт Бас“ во Скопје.

Како што информираат кураторите и организаторите Маргарита Симовска и Доротеј Нешовски, оваа изложба е носител на идејата за ослободување на поимот „Голо тело“ во сите негови видови на постоење – род, пол, националност, религија, идентитети.

-Различната перцепција на повеќе од 30 локални уметници изразена во 420 цртежи инспирирани од дваесетина модели, ја изкажаа потребата на човекот да создава и вреднува, да го сака, да го сочуствува и да го почитува човековото тело. Застанувајќи отспротива на деструкцијата, понижувањето и осудата, помладата генерација ги руши табуата за перформативно изложување на голото тело, соопштува Нешовски.

Целта на изложбата, како што се наведува во соопштението, не е да прикаже академизам и конструктивизам на цртежот туку целосна слобода на израз и пристап кон доживување на личноста која позира-перформира.

loading...