Турската економија ги надмина прогнозите за раст во првиот квартал од 2022 година, покажаа официјалните податоци денес. Растот е 7,3% – поттикнат од силната побарувачка, производството и извозот.
Економијата закрепна од пандемијата и порасна за 11 отсто во 2021 година, што е највисоко ниво во последната деценија, според Турскиот статистички институт (TurkStat), цитиран од Дејли Сабах.
И во првиот квартал од оваа година силните перформанси продолжуваат, и покрај зголемувањето на инфлацијата до 70% во април и растечките дефицити, како и зголемените светски цени на суровините.
Според студијата на Ројтерс, се предвидуваше дека економијата ќе порасне за 7,1% во првиот квартал и 3% за годинава, бидејќи зголемувањето на цените на енергијата поради војната во Украина врши притисок.
Турција беше една од ретките земји чии економии пораснаа во 2020 година, најмногу поради евтините заеми за да се спротивстави на економското влијание на пандемијата. Економијата закрепнува и во 2021 година.
Ограничувањата за KОВИД-19 во голема мера се отстранети.
Турската лира годинава загуби околу 20 отсто од вредноста во однос на доларот и 44 отсто минатата година.
Други податоци покажуваат дека трговскиот дефицит се удвоил во април, благодарение на скокот на увозот на енергија од 135%. Во периодот јануари-април, трговскиот дефицит е зголемен за 130% на годишна основа.