Народното собрание на Република Турција вечерва го ратификуваше протоколот за членство на Република Северна Македонија во НАТО.
– Благодарност до Турција за вечерашната ратификација на нашиот НАТО протокол! teşekkür ederim!, објави вечерва на својот Фејсбук профил министерката за одбрана Радмила Шекеринска.
Ратификацијата на Протоколот ја потврди на Твитер и шефот на турската делегација во Парламентарното собрание на НАТО Осман Ашкин.
– Големото Народно собрание на Турција го комплетираше ратификациониот процес на Протоколот за членство на Северна Македонија во НАТО. Како и досега, Турција ќе продолжи да ја поддржува Северна Македонија во евроатлантскиот-интегративен процес, напиша Ашкин на Твитер.
Досега 19 од 29 држави го ратификуваа Протоколот и дадоа зелено светло за пристапување на нашата земја во НАТО Алијансата.
Премиерот Зоран Заев во вечерашното Тв гостување истакна дека ова е рекордно брза ратификација од сите земји ченки на НАТО, ако се земе предвид дека другите држави чекале и погодин и половина за да ја заокружат ратификацијата.