Париската полиција уапси четворица навивачи на Јувентус кои гестикулирале нацистички поздрав и имитирале врисоци на мајмуни за време на натпреварот од Лигата на шампионите против Пари Сен Жермен во Париз.
Полицијата уапси тројца возрасни и едно малолетно лице во вторникот вечерта откако прегледа видео снимки од навивачите на Јувентус на стадионот „Паркот на принцовите“ за време на натпреварот во Париз.
Како што соопштија од париското обвинителство, истрага е отворена поради расистички навреди, а вечерва биле сослушани и уапсените.
⚠️ La UEFA ha anunciado, a través de una nota oficial, que ha abierto una investigación disciplinaria contra los aficionados de la #Juventus que viajaron a París por hacer cánticos discriminatorios durante el partido contra el #PSG ⚠️ pic.twitter.com/a1d4k7EEHM
— Juventus Venezuela 🇻🇪 (@JuventusFC_VEN) September 7, 2022
Тие биле сместени во делот за навивачи на Јувентус на стадионот, навел извор од полицијата.
На социјалните мрежи се појавија видеа на кои се гледа како навивачите на италијанскиот клуб го изведуваат нацистичкиот поздрав и имитираат мајмунски врисоци.
Европската фудбалска унија (УЕФА) отвори дисциплинска постапка и назначи инспектор кој ќе го истражи „осомниченото дискриминаторско однесување на навивачите на Јувентус“ за време на натпреварот против Пари Сен Жермен.