80
Градските власти во Њујорк одлучија наредната година да не издаваат дозволи за такси услуги по принципот „споделување бизнис“, што најмногу ќе ги погоди компаниите како што се „Убер“ и „Лифт“.
Њујорк е првиот голем град во САД кој воведе такво ограничување и тоа во рамки на пакетот мерки кој вклучува и утврдување на минимална плата за возачите.
Целта на одлуката е да се намалат сообраќајните метежи и да се зголемат платите на таксистите, чии приходи паднаа, меѓу другото и поради конкуренцијата од „Убер“ и „Лифт“.