Училиштата во Илинден добија брзи тестови за утврдување на Ковид-19

од Берта Китинска

Општина Илинден донира брзи тестови за утврдување на ковид-19 во трите основни училишта и средното општинско стручно училиште „Илинден“.

Од општината сметаат дека со донацијата на тестовите за брза детекција се овозможува ефикасно спречување на ширење на инфекцијата во училиштата, каде наставата се одвива со физичко присуство на учениците.
– Континуираното следење на состојбата со ковид-19 и брзото дијагностицирање во училиштата, е од голема важност, со цел преземање на навремени и соодветни мерки за спречување на ширење на заразата меѓу учениците и вработените во училиштата, стои во соопштението.

Повикуваат на одговорно однесување, одржување дистанца како и редовно одржување на хигиената.

Слични содржини