Руската Агенција за радиодифузија подготвила 16 протоколи за американски Гугл, бидејќи не ги отстранил информациите што се забранети во Русија од почетокот на 2021 година, изјави денеска заменик-директорот на руското тело за надзор на медиумите, Вадим Суботин.
– Од почетокот на годината за Гугл се составени 16 протоколи за административни прекршоци. Ова е голема бројка. Станува збор за систематско кршење на руските закони – изјави Суботин за ТАСС.
Казната може да биде од пет до десет отсто од годишниот приход на Гугл, наведува руската агенција.
Русија е подготвена да ги казни и Фејсбук и Твитер затоа што не ја отстраниле забранетата содржина, објави неименуван службеник во средината на септември.
Гугл веќе ѝ плати на Русија повеќе од 455.000 долари казни за небришење на содржини кои Москва ги смета за нелегални, објавија од американскиот технолошки гигант и рускиот регулатор по денешните разговори.