За време на телефонскиот разговор со министерот за надворешни работи на Република Северна Македонија, Бујар Османи, министерот за надворешни работи на Украина Дмитро Кулеба ја подвлече поддршката на земјата во позадина на ескалацијата на ситуацијата со Русија, пренесе „Укринформ“.
„Бујар Османи изрази солидарност меѓу Северна Македонија и Украина во услови на ескалација со Русија, потврдувајќи силна поддршка за нејзиниот суверенитет и територијалниот интегритет во рамките на нејзините меѓународно признати граници, вклучувајќи го и Крим како составен дел на украинската територија“, соопшти украинското Министерство за надворешни работи.
Конкретно, Кулеба зборувал за дестабилизирачките активности на Русија, вклучително и насобраните трупи во близина на украинските граници, влошената безбедносна состојба во привремено окупираните територии на Украина, блокадата на теснецот Керч и неподготвеноста да се потврди заложбата за прекин на огнот и да се преземе мерки за деескалација.
Министерот ги коментираше резултатите од состанокот на Советот за надворешни работи на ЕУ, одржан на 19 април, на кој презентираше чекор-по-чекор акционен план за одвраќање на Русија од понатамошна агресија.
Украинскиот министер за надворешни работи му ја честиташе на својот македонски колега првата година од членството на Северна Македонија во НАТО и посака успех на патот кон евроинтеграциите.