Украинската вицепремиерка ги повика Русите да не посвојуваат деца „украдени“ од Украина

Украинската вицепремиерка Ирина Верешчук ги повика Русите да не посвојуваат деца за кои рече дека биле „украдени“ во Украина за време на војната и депортирани во Русија.

Верешчук на својот канал на Телеграм изјави дека сирачињата биле „украдени во Украина“ и наводно биле дадени на посвојување во Русија.

Таа додаде дека „силно им препорачува на руските граѓани да не посвојуваат украински сираци“ кои нелегално биле однесени од привремено окупираната територија на Украина, наведува „Ројтерс“.