Неколку сензори за радијација се оштетени денеска по новото руско бомбардирање на областа во близина на нуклеарниот реактор на електраната Запорожје, објави украинскиот оператор Енергоатом.
„Ситуацијата се влошува, радиоактивни материи се наоѓаат во близина, а неколку сензори за радијација се оштетени“, напиша Енергоатом на Телеграм.
Од друга страна, проруски функционер претходно денеска изјави дека областа околу нуклеарната централа Запорожје повторно била цел на артилериски напади, обвинувајќи ги за нападот украинските сили.
Фабриката веќе беше цел на воздушни напади минатата недела, што ја зголеми загриженоста на меѓународната заедница.
Советот за безбедност на ОН вечерва ќе одржи итен состанок на кој ќе се разговара за ситуацијата во нуклеарната централа Запорожје во Украина, додека Киев и Москва меѓусебно се обвинуваат за бомбардирање на тоа место.
Најмалку 14 лица загинаа во неодамнешните воздушни напади во близина на нуклеарната централа Запорожје, која беше преземена од руските сили.
Фото: Sputnik / Profimedia