Украинскиот министер за одбрана му се заблагодари на Пленковиќ за поддршката

Украинскиот министер за одбрана Олекси Резников денеска му се заблагодари на хрватскиот премиер Андреј Пленковиќ за поддршката, откако владата во Загреб, како што наведува, ја одобри одлуката за обука на украински војници.

„Модерната, добро обучена армија со моќни партнери дефинитивно ќе ги победи чопорот руски убијци, разбојници и силувачи“, напиша Резников на Твитер.

Хрватскиот парламент за две недели треба да расправа за владиниот предлог, а за одлука е потребно двотретинско мнозинство.