Претседателот на Европската комисија, Урсула фон дер Лајен, во писмото до премиерот. Албин Курти од Косово истакна дека е потребно што е можно поскоро да се одржи следниот состанок на високо ниво во рамките на дијалогот меѓу Белград и Приштина.
Таа во писмото пишува дека ќе продолжи да се залага за либерализација на визниот режим за граѓаните на Косово.
„Се надевам дека ќе ја продолжиме соработката и ви посакувам успех во мандатот. Ние сакаме Косово да постигне побрз напредок на европскиот пат и ќе продолжиме да го поддржуваме постигнатиот напредок во реформите.
„Ќе продолжиме да се стремиме кон позитивна одлука во процесот на визна либерализација, знаејќи колку е важно ова прашање за граѓаните на Косово“, стои во писмото од Урсула фон дер Лајен.
Претседателката на Европската комисија потврди дека ја поздравува посветеноста на премиерот Курти за конструктивно вклучување во дијалогот меѓу Белград и Приштина под покровителство на ЕУ.
Фон дер Лајен, исто така, посочи дека е потребно следниот состанок на високо ниво во рамките на дијалогот да се одржи што е можно поскоро, бидејќи, како што рече, тоа е „од суштинско значење за напредок на европскиот пат на Косово и Србија“
„Очекувам да соработуваме за да ги подобриме односите ЕУ-Косово“, рече високиот претставник на ЕУ.
Во писмото се наведува и дека ЕУ стои до т.н. Косово во борба против пандемијата на коронавирусите и за поддршка на економското закрепнување преку економскиот и инвестицискиот план за Западен Балкан усвоен во октомври 2020 година