Франција најверојатно ќе воведе нови рестриктивни мерки оваа недела со цел да им наложи на граѓаните да останат во своите домови освен во случаи кога мораат да одат на работа или исклучително важно патување.
Вечерва претседателот Емануел Макрон ќе се осврне на новите мерки за борба против Ковид 19.
Новите ограничувања ќе важат за целата земја и ќе бидат слични на карантинот кој постоеше минатата пролет на врвот на епидемијата, изјави извор од индустрискиот сектор.
Затоа, на луѓето ќе им биде дозволено да излегуваат да вршат работи од животно значење, да бараат здравствена нега, да купуваат основни намирници или да вежбаат еден час на ден.
Меѓутоа, за разлика од минатата пролет, се планира училиштата да останат отворени, како и супермаркетите и аптеките, пренесува „Ројтерс“.
Граѓаните кои не можат да работат од дома ќе можат да одат на работа.
Новите мерки ќе имаат ограничено траење, но не е познато колку ќе траат.