Шефот на Руската служба за санитарен надзор и контрола (Роспотребнадзор), Ана Попова, изјави дека сите вакцини, вклучително и вакцината против корона, штитат од болеста што не се развива во тешка форма, но дека нема гаранција дека нема да има поблага болест.
„Вакцините се многу моќно средство за спротивставување на ширењето на болеста, но секогаш мора да имате предвид дека сите вакцини штитат од тешки форми на болеста и крајно опасниот тек на болеста што може да го предизвика вирусот, но многу од нив, пред се вакцините против грип, не штитат од контакт со вирусот и од манифестацијата на болеста во некои форми“, изјави Попова за телевизијата „Русија 24“.
Попова истакна дека вакцинираната личност не треба да смета на тоа дека никогаш повеќе нема да се разболи, туку треба постојано да се штити.
Според неа, ниту една вакцина и ниту еден производител не гарантира дека болеста нема да се манифестира во поблага форма при контакт со вирусот, особено кај луѓето со ослабен имунолошки систем.