Стефан Васев од СДСМ во изјава за медиуми истакна дека Христијан Мицкоски по секоја цена се определува за Никола Груевски и не се оградува од неговите криминали туку напротив, и понатаму останува посветен на одбраната на криминалот на режимот.
Додава дека и најавата за бришење на функцијата почесен претседател, без осуда, без оградување од криминалот на Груевски е уште еден прочитан блеф на Мицкоски.
„Блеф е и наводната продажба и донирање на парите од продажбата на белиот дворец кој беше изграден за време на најголема сиромаштија. Криминално стекнат имот не може да се донира“, посочува Васев.
Тој нагласува дека Мицкоски се опкружи со луѓе од режимот меѓу кои и исцелител, но и човек кој јавно на телевизија навредуваше пратеници на СДСМ и бранеше насилници кои упаднаа во Собранието.
„Александар Климовски, стратешкиот советник на Мицкоски, во директен пренос додека траеше упадот во Собранието, безобразно ги навредуваше пратениците на СДСМ и претседателот Заев. Со такви ликови, Мицкоски и ВМРО-ДПМНЕ се борат само за обнова на режимот, заробената држава и груевизмот“, додаде Васев.