391
Утре челниците на фудбалскиот клуб Сараево најверојатно ќе ја донесат конечната одлука за тоа кој ќе биде нов тренер на тимот.
Како што дознава босанки „Аваз“, првиот човек на клубот од Кошево, Исмир Мирвиќ, по враќањето во главниот град на БиХ, разговарал со главниот кандидат за клупата на тимот, поранешниот македонски репрезентативец Александар Васоски (42).
Разговори биле водени и со поранешните тренери Мирзо Варешановиќ и Драган Јовиќ, како и со хрватскиот стручњак Деан Клафуриќ, но сепак најблиску до изборот е Васоски.
Васоски е актуелен тренер на Академија Пандев, која е втора во Првата македонска фудбалска лига.
Претходно го водеше Вардар со кој беше шампион во сезоната 2019/20.