Ватикан: Започна првото судење на кардинал за корупција

од Vladimir Zorba

Римокатолички кардинал во вторникот првпат се појави пред судот во Ватикан во врска со обвинувањата за корупција при купување луксузен имот во Лондон.

Судот во Ватикан ја испитува улогата на кардиналот Џовани Анхел Бечиу (73) и уште деветмина ко-обвинети во скандалот со инвестиции во кој беше купена вила во луксузната лондонска област Челси со црковни пари.

Неколку стотици милиони евра се платени за недвижнини, провизии и други услуги.

Тоа е едно од најголемите испитувања во историјата на Ватикан.

Бечиу, некогаш заменик државен секретар, е првиот кардинал на кој му се суди во таа град-држава.

Обвинител во овој случај е Државниот секретаријат, главната извршна власт на Ватикан.

Бечиу претходно ја бранеше инвестицијата и рече дека не постапува во негов личен интерес. Тој ги негираше обвинувањата за корупција и тврди дека е „жртва на заговор“.

Ватиканските и италијанските власти ја испитуваат спорната набавка во Лондон од јули 2019 година, а истрагата е проширена и на Обединетите Арапски Емирати, Велика Британија, Островот Џерси, Луксембург, Словенија и Швајцарија.

Според Светата столица, постапката е резултат на реформите на папата Франциск, кој сака да воведе поголема транспарентност во финансиите на Ватикан.

Слични содржини