Марко Верати нема да игра за Пари Сен Жермен поради повреда на натпреварот против Аталанта, кој е закажан за 12 август (среда) во четвртфиналето од Лигата на шампионите, а под знак пташалник е и доколку ПСЖ оди понатаму.
Верати е вклучен во списокот на играчи кои ќе патуваат на завршницата на Лигата на шампионите во Португалија, но француските медиуми пренесуваат дека има малку шанси да игра таму.
Дури и ако ПСЖ стигне до финалето во Лигата на шампионите, не е сигурно дека италијанскиот играч од средниот ред ќе биде подготвен до тогаш. Финалето е закажано за 23 август.
Ова не е единствениот проблем на ПСЖ, бидејќи Килијан Мбапе и Лајвин Курзава се повредени. Се очекува Мбапе да биде во ростерот за дуелот против Аталанта, додека Курзава речиси сигурно ќе го пропушти натпреварот.
Томас Муние и Единсон Кавани го напуштија клубот порано, додека Анхел Ди Марија е суспендиран за натпреварот против Аталанта.
И тука не е крајот на сите проблеми за ПСЖ. Имено, се појави бизарна ситуација во која тренерот Томас Тухел го повредил глуждот, но тоа нема да го спречи да присуствува на натпреварот.