Атмосферата се вжештува пред финишот на сезоната во Формула 1 и тесната трка за титулата меѓу Луис Хамилтон и Макс Верстапен.
До крајот на сезоната остануваат уште шест трки, а Верстапен има шест бода предност пред неделната трка за Големата награда на САД.
Искрите блеснаа веќе на вториот тренинг на патеката во Остин.
На излезот од последната кривина Хамилтон и Верстапен се најдоа еден до друг, а ниту еден не сакаше да се предаде.
Тие буквално се движеа тркало до тркало, а Хамилтон од кривината лезе пред ривалот, кој преку радио го нарече „глупав идиот“.
Според медиумите, Верстапен подоцна му покажал среден прст, а тоа го пријавиле челниците на Мерцедес и побарале казна за Холанѓанецот.
Neck and neck in the title battle, and in FP2 😲 #USGP 🇺🇸 #F1 pic.twitter.com/wXuBD6kecG
— Formula 1 (@F1) October 22, 2021
Двајцата возачи имаа неколку инциденти во текот на сезоната, а на почетокот на септември во Монца ја завршија трката така што Верстапен заврши врз Мерцедесот на Хамилтон во обид да создаде подобра позиција со неговиот Ред Бул.
Инаку, Мерцедес беше најбрз на првиот тренинг во Остин, додека на вториот најдобро време имаше Серхио Перез од Ред Бул.