Кандидатот за градоначалник на општина Карпош, Душко Весковски информира дека долгот на општината се намалил од 17 милиони евра на 4, за време на мандатот на актуелниот градоначалник, Стефан Богоев.
-Јас и Стефан сме одлични пријатели и другари. Не можам да најдам некоја слабост, туку само можам да му честитам за водењето на партијата во изминатите 4 години. Општината е промената во однос на урбанизацијата, вели Весковски го гостувањето на дневникот на ТВ Сител.
Тој најави дека ќе го врати блоковското зеленило во општината.
-Граѓаните имаат маалски катчиња, нови игралишта. Во план ни е изградба на две нови градинки. Имаме план и со паркирањето во општината, а посебен проблем околу тоа се Лептокарија и кај Млечен ресторан. Дел од граѓаните бараат зонско паркирање, па ќе седнеме и ќе поразговараме со нив, истакна Весковски.