Најмалку едно лице загина, а две други се повредени во пожар во зграда која ја користи руската Федерална служба за безбедност (ФСБ) во јужниот град Ростов.
Локалните жители изјавија дека слушнале силна експлозија пред пожарот, јавува Би-Би-Си.
Регионалниот гувернер на Ростов, Василиј Голубев, изјави дека пожарот бил предизвикан од краток спој, кој ги запалил резервоарите за гориво.
Rostov-on-Don, Russia, today. pic.twitter.com/5ZZFQV7byq
— KyivPost (@KyivPost) March 16, 2023
Тој додаде дека пожарот се проширил на 800 метри квадратни, а два ѕида се срушени.
Тој посочи дека нема закана пожарот да се прошири, но превентивно треба да се евакуираат жителите од околните станбени згради.
Драматичните снимки на социјалните мрежи покажаа голем пожар кој зафати делови од зградата, а чад беше видлив низ градот.
In #Rostov-on-Don, the building of the #FSB department caught fire.
Local residents report hearing "sounds of explosions". pic.twitter.com/PahTxWll3E
— NEXTA (@nexta_tv) March 16, 2023
Руските медиуми го објавија пожарот повикувајќи се на службите за итни случаи, велејќи дека зградата припаѓа на регионалниот огранок на граничната патрола на ФСБ.
Службите за итни случаи се на местото на пожарот.
ФСБ е служба за внатрешна безбедност на Русија и е одговорна за контраразузнавање, безбедност на границите и борба против тероризмот.