Поради снежната бура во Шпанија се одложени голем број летови и спортски натпревари.
Невремето одложи еден натпревар, Атлетико Мадрид -Атлетик Билбао, а фудбалерите на Рајо Валјекано за кого настапува нашиот репрезентативец Столе Димитриевски за да стигнат на натпрева во Ла Лига 2 со автобус, мораа да помогнат на патот со блокираните автомобили.
Бурата Филомена прекри делови од Шпанија со обилен снег, а во половина од Шпанија е прогласена т.н. „црвена тревога“.
Во Мадрид, еден од најзафатените делови, се очекува и до 20 сантиметри снег во наредните 24 часови. Аеродромот е затворен заедно со повеќе патишта, пренесува Би-Би-Си.
Од синоќа, голем број возила се заглавени на автопат во близина на главниот град, па на помош дојдоа пожарникарите, а во некои места и војската. Властите апелираа да се избегнуваат несуштински патувања.
🎥 Hola @CDMirandes vamos para allá. Por nosotros no va a ser pero esto está complicado 🌨️🌨️🌨️
Que lleguéis sanos todos los que tenéis que estar hoy en las carreteras. pic.twitter.com/7vPpcOjAcw— Rayo Vallecano (@RayoVallecano) January 8, 2021