Последните американски војници го напуштија Авганистан доцна синоќа, откако во последните две недели евакуираа илјадници цивили и војници. Сепак, поголем арсенал оружје остана зад странските војници и авганистанските сили, кои паднаа во рацете на Талибанците.
Иако Американците онеспособија добар дел од борбените авиони и воените хеликоптери, како што тврдат, се чини дека оставиле зад себе авиони во совршено добра состојба во некои делови на Авганистан.
US forces shut down or damaged some helicopters and other vehicles before leaving Kabul airport: pic.twitter.com/Ujit4zrP3T
— Talib Times (@TalibTimes) August 31, 2021
Така, на социјалните мрежи се појавија видеа во кои Талибанците наводно летале со американскиот борбен хеликоптер „Блек Хок“.
Снимката е објавена во „Талиб тајмс“, официјалната веб -страница на Исламскиот емират на Авганистан, и наводно покажува како ваков модел на хеликоптер лета над Кандахар.
Експертите посочија дека Талибанците не знаат како да управуваат со овие авиони, но, судејќи според снимката, успеале да најдат пилоти обучени да управуваат со американскиот хеликоптер.
На истата страница, тие се пофалија дека заплениле многу оклопни возила на аеродромот во Кандахар.
The Taliban took control of the tank park at Kandahar Airport, Large number of tanks and other heavy weapons seized by Taliban.
Follow me ➡ @TalibTimes pic.twitter.com/4XiKEB16kT
— Talib Times (@TalibTimes) August 30, 2021
На друго видео, кое предизвика бес кај корисниците на социјалните мрежи, се чини дека е прикажано обесено лице кое виси од хеликоптер. Некои извори тврдат дека станува збор за личност која соработувала со американските сили.
Видеото го сподели и неговиот Твитер американскиот сенатор Тед Круз.
This horrifying image encapsulates Joe Biden's Afghanistan catastrophe: The Taliban hanging a man from an American Blackhawk helicopter.
Tragic. Unimaginable. https://t.co/zOvNM5UXUW
— Ted Cruz (@tedcruz) August 31, 2021
– Ова застрашувачко видео ја покажува авганистанската катастрофа на Џо Бајден: Талибанците обесија човек од американски хеликоптер – напиша Круз во описот на видеото.
Сепак, автентичноста на снимката не е потврдена, и бидејќи е со слаб квалитет, не може со сигурност да се каже дали навистина има човек на неа.